Mas naging bongga pa ang 32nd birthday celebration ng Kapuso actress nang mapanood ang video greeting ng English actor na si Tom Felton na unang sumikat sa “Harry Potter” movies.
Ipinost ng dalaga ang 28-second clip sa kanyang Twitter kung saan binati nga siya ni Tom ng “happy birthday” at nag-congratulate pa sa bago niyang Kapuso series na “Owe My Love.”
Ang nasabing video greeting ay isa sa mga regalo sa kanya ng boyfriend na si Monty na isang film producer at naka-base ngayon sa Los Angeles, USA.
“Monty and I have been speaking for quite a while about the best way to ring in your birthday.
“Well to celebrate the fact that you have this new TV show, Owe My Love, well congratu-bloody-lations!” simulang mensahe ng “Harry Potter” actor na gumanap bilang Draco Malfoy sa nasabing movie.
Dugtong pa niya, “Unfortunately Monty and my plans to have a massive festivity where we can all get together and have a little jamboree, a little boogie, and dance can’t happen this year, or can’t happen right now because of everything that’s going on.”
Ito naman ang naging reaksyon ni Lovi, “My Harry Potter heart and my Slytherin soul can’t help but be kilig when Draco Malfoy mentions #OweMyLove. Thank you for this sweet surprise @montyblencowe.”
Samantala, double celebration naman ang sorpresang birthday paandar ng “Owe My Love” production para kay Lovi at sa co-star niyang si Jackie Lou Blanco.
Naka-lock in taping pa rin until now sina Lovi at Jackie Lou kasama ang iba pa nilang katrabaho sa bagong Kapuso romcom series.
Kuwento ng leading man ni Lovi sa serye na si Benjamin Alves tungkol sa sorpresa nila sa mga birthday celebrators, “So @lovipoe and I took a really heavy scene together, only to be told by our AD that the camera wasn’t recording.
“Of course, this was all a ruse to greet our lovely SenSen a happy birthday. Heheh. We gotta commend the acting of our production to make Lovi fall for our bait, and of course the grace of Lovi to be so game to do the scene all over again,” sabi pa ng Kapuso hunk.
Magsisimula na sa Lunes, Feb. 15 ang bagong romcom-drama na “Owe My Love” sa GMA Telebabad.