Khalil, Gabbi wala pa sa isip ang pagpapakasal: But we would want to be life partners

UMAASA at ipinagdarasal ng celebrity couple na sina Gabbi Garcia at Khalil Ramos na tumagal pa nang matagal na matagal ang kanilang relasyon.

Inamin ni Khalil na naiisip na niya ang future nila ni Gabby together at gusto niyang ang dalaga na nga ang maging life partner niya sa habangbuhay.

Tatlong taon na ring magdyowa ang dalawang Kapuso stars at mukhang seryoso na nga sila na paabutin sa next level ang kanilang pagmamahalan sa mga susunod na taon.

Sa nakaraang episode ng “Tunay Na Buhay” binalikan muna ni Khalil kung paano nagsimula ang love story nila ni Gabbi. Nagkakilala raw sila sa debut ng kaibigan nilang si Julia Barretto.

“Nagkakilala kami during a debut of one of our closest friends, si Julia Barretto.

“She was so elegant kasi at that time, she was so ano eh, dressed up, as in super elegant. She had her hair in a bun [and] she had such a nice dress, so from the get-go parang ‘woah’,” pahayag ng binatang singer-actor.

Aniya pa, ang isa pa nilang kaibigan na si Kathryn Bernardo ang nagsilbing tulay sa kanilang pagmamahalan.

“When I got to talk to her (Gabbi) during that night, she was such a sweet person. She was someone you can easily talk to, she was warm. That’s how I would explain my first impression (of Gabbi). She was such a warm person,” sabi pa ni Khalil.

Fast forward: makalipas ang dalawang taon, muling nagkrus ang landas nila, naging magkaibigan hanggang sa manligaw na nga si Khalil kay Gabbi at naging magdyowa na nga.

“We are very different individually, pero together we both understand each other very well,” pahayag ng aktor.

Sey naman ni Gabbi, ilan sa mga qualities na nagustuhan niya sa kanyang boyfriend ay ang pagiging “very wise and smart guy.”

“He’s very deep and what I love about him is may pagkaseryoso. You’ll never really get to know the full him until you actually spend time with him,” chika ni Gabbi.

Sa huling bahagi ng panayam, sinabi nga ni Khalil na “happy and secure” na sila ni Gabbi sa kanilang relationship.

Hirit naman ng Kapuso actress, “Parang nandu’n na kami sa stage na secured kami and we’re happy and helping each other.”

Alam naman daw nila na medyo bata pa sila para pag-usapan ang kasal pero sey nga ni Khalil, “we plan on heading towards settling down.”

“Siyempre we’re young. We’re not gonna settle down anytime soon. We’re not gonna get married anytime soon but we would want to be life partners, really. But no pressure for the both of us,” sabi pa ng binata.

Samantala, excited na rin ang Kapuso couple para sa kauna-unahan nilang mini series sa GMA 7, ang “Love You Stranger.” Ito ang first acting project ni Khalil mula nang lumipat siya sa Kapuso network.