LUBOS ang pasasalamat ng Kapuso actor na si Ken Chan sa mga blessings na kanyang natanggap ngayong 2020.
Bukod sa kabi-kabilang proyekto, natupad ni Ken ang kanyang childhood dream na magkaroon ng sariling gasoline station.
Bonus pa na hindi lang isa kundi limang gasoline station ang naipatayo niya sa loob lamang ng tatlong buwan.
“Nasa isip ko siya noong bata pa lang ako. Sobrang blessed talaga ko ngayong 2021 and pati na rin 2020. Despite ng mga nangyari sa atin na pandemya, still, nagawa ko pa rin po na tuparin ‘yung pangarap ko na magkaroon ng gasoline station,” pahayag ng Kapuso actor-singer at TV host.
Samantala, mas magiging abala ang aktor sa 2021 sa pagsisimula ng taping ng pagbibidahan niyang upcoming GMA drama series na “Ang Dalawang Ikaw” with Rita Daniela kung saan gaganap siya bilang isang lalaking may kalagayang tinatawag na dissociative identity disorder (DID).
* * *
Sa muli niyang pagsabak sa acting, masayang ibinahagi ng Asia’s Pop Diva na si Julie Anne San Jose ang kaniyang excitement sa magiging role sa upcoming series sa GMA News TV na “Heartful Cafe.”
Nakatakdang ipalabas ang nasabing serye sa 2021 at makakatambal ni Julie rito ang Kapuso hunk na si David Licauco.
Makakasama rin nila ang iba pang Kapuso stars kabilang na sina Zonia Mejia, Jamir Zabarte, Andre Paras, at marami pang iba.
Gaganap si Julie bilang si Heart Fulgencio, isang online romance novelist at coffee enthusiast na nagmamay-ari ng The Heartful Café, isang cozy coffee shop.
Sa interview ng GMA, ikinuwento niya na excited na siyang maka-eksena si David, “I’m looking forward din sa mangyayari sa tapings namin and of course I’m also looking forward to working with new people. It’s a very light show.
“Sobrang ganda ng story and sobrang exciting. Dito rin namin malalaman kung ano ‘yung capability ng team-up namin ni David. I’m also looking forward kung ano ba ‘yung kayang mai-offer ng team up,” pahayag ni Julie Anne.
Abangan ang “Heartful Cafe” soon on GMA News TV!