Rollback sa presyo ng produktong petrolyo epektibo ngayong araw

May rollback sa presyo ng produktong petrolyo ang mga kumpanya ng langis ngayong araw ng Martes, Disyembre 29.

Ito ay matapos ang anim na sunod na linggo na mayroong pagtaas sa presyo ng produktong petrolyo.

May bawas na 25 centavos sa bawat litro ng kerosene at 5 centavos naman ang bawas sa bawat litro ng diesel.

Wala namang paggalaw sa presyo ng gasolina.

Epektibo alas 6:00 ng umaga ang rollback ng mga kumpanyang Shell, Seaoil, Petron, Petro Gazz, PTT, Total, at Flying V.

Alas 12:01 ng madaling araw kanina ang rollback ng Chevorn.

Habang alas 8:01 naman ng umaga ang rollback ng Cleanfuel.