Catriona hindi nakauwi sa Australia para makasama ang pamilya, sumama na lang kay Sam sa Amerika

HINDI nakauwi ng Australia si 2018 Miss Universe Catriona Gray para makapiling ang magulang ngayong Pasko at Bagong Taon dahil sa ipinatutupad na health restrictions doon.

Dahil dito, sumama siya sa boyfriend niyang si Sam Milby na umuwi ng Ohio, USA para makapiling din ang kanyang magulang.

Pagkatapos ng taping ng “Ang Sa Iyo Ay Akin” ay lumipad pa-Amerika ang magkasintahan at perfect time na rin ito para makapag-bonding na rin sila kasama ang magulang ng aktor.

Nitong Pasko ay nag-video call si Catriona sa kanyang magulang na ipinost niya sa kanyang Instagram, “For now, this is how we spend time together as a family.

“This isn’t my first time away from my parents for Christmas, but after a year of cancelled trips and visits to see them, the feeling of being away from them hits different today.

“I miss you so much mama @mitagray and Papa. Can’t wait to finally be together again,” aniya pa.

Tinanong ni @mayers.19 kung bakit hindi nakauwi ang dalaga, sagot ng dalaga, “@mayers.19 due to travel restrictions and quarantine regulations, I wasn’t able to go home to see them.”

Samantala, nag-post naman si Catriona ng video sa kanyang IG account na tuwang-tuwa siya dahil sa snow, “When you wake up and its snowing on Christmas Day. Woke up a happy kid on Christmas morning.”

Hindi man ipinakita ang mukha ni Sam sa video na siya mismo ang kumuha ay halata namang kamay niya ang hinila ni Catriona.

Umabot na sa 1.2 million views ang video ni Catriona.

Ayon kay @pmgelomendiola, “Ang ganda talaga ng Future Wifey ni Samuel. Happy Christmas sa inyo.”

At halos lahat ng netizens na nag-komento ay pabor sa relasyon ng dalawa at sana raw ay sa kasalan na rin mauwi ang kanilang pagmamahalan.