FEELING ni Kapuso TV host Drew Arellano “hinahamon” talaga siya ng asawang si Iya Villania.
Aliw na aliw ang mga netizens sa paandar ni Drew para sa kanyang misis na kahit tatlong beses na ngang nanganak ay ang sexy-sexy pa rin.
Sa kanyang Instagram account, ibinandera ng Kapuso biyahero ang latest photo ni Iya na kuha habang ito’y nagtatrabaho at nakaharap sa kanyang computer.
Ang nakakalokang caption ni Drew sa kanyang IG post, “Guys, hinahamon talaga ako nito eh. Nang aano si mrs eh! Nak ng! Ano??? Ano??? Isa pang anak??? Ano!? Kainis eh! #rawr!”
Umani ito ng sandamakmak na likes at comments mula sa kanyang IG followers kabilang na ang mga celebrities na sina Rayver Cruz at Bianca Gonzales.
Sey naman ng kaibigan ni Iya at co-host niya sa morning talkshow na “Mars Pa More” na si Camille Prats, “Nang aano ka talaga mars, eh!”
Hindi ito ang unang pagkakataon na tinukso ni Drew ang kanyang misis tungkol sa pagkakaroon uli ng anak.
Nang magpagupit si Iya ng buhok a few weeks ago ay ipinost din ng TV host ang litrato nito with her super short hair na may caption na, “Well, I guess she wants another baby.”
Tatlo na ang anak ngayon nina Drew at Iya, sina Primo, Leon at Alana. Ikinasal sila noong 2014.
* * *
Mas magiging exciting ang weekend nights simula sa 2021 dahil may bagong barkada na aabangan ang Gen Z sa GMA News TV!
Makisaya sa newest weekend comedy-gag-variety show na “FLEX” kung saan ibibida ang galing at talento ng Kapuso teen stars na pangungunahan ng Flex Leaders na sina Mavy Legaspi, Lexi Gonzales, JD Domagoso at Althea Ablan.
Every week, may walong Gen Z artists na magpapamalas ang kanilang husay sa pamamagitan ng musical performances, gags, sketches, at talent competitions.
Ito na rin ang chance para sa fans ng Kapuso teen stars na maka-interact ang kanilang idolo sa isang interactive game segment kung saan makakalaro nila ang Flex Leaders at ilang celebrity guests.
Bukod pa riyan, abangan din ang launch ng official fan base ng Flex na Flex Squad kung saan eksklusibong mapapanood ng mga miyembro ang videos mula sa kanilang paboritong celebrities, makisaya nang live sa studio, at marami pang iba.