MARIAN Rivera. Heart Evangelista, Michael V. Jean Garcia.
Ilan lang yan sa mga Kapuso stars na gustong makatrabaho ng dating Kapamilya actor na si Richard Yap ngayong lumipat na siya sa GMA 7.
Certified Kapuso na nga ang actor, singer, model, content creator at businessman matapos pumirma ng management contract sa GMA Artist Center kahapon.
Present sa contract signing sina GMA Senior Vice President for Entertainment Group Lilybeth Rasonable, GMAAC Assistant Vice President and Head for Talent Imaging and Marketing Unit Simoun Ferrer, GMAAC Senior Talent Manager Joy Marcelo and Richard’s co-manager Kate Valenzuela.
Nagpasalamat si Richard sa napakainit na pag-welcome sa kanya ng mga Kapuso, “I’m actually quite overwhelmed as I never thought this would come about. Now that it’s finally here, I am just so happy and so thankful to become a part of the Kapuso family.”
As he begins his Kapuso journey, eeksena agad ang aktor sa espesyal na episode ng top-rating comedy anthology na “Dear Uge Presents” ni Eugene Domingo at sa late-night comedy-variety show na “The Boobay and Tekla Show”.
At sa 2021, bibida agad ang bagong Kapuso sa upcoming primetime series ng GMA.
“Expect the unexpected? I guess you can expect me to try and experiment into other genres other than the ones that I’ve done before,” ani Richard.
Looking forward din siya na makatrabaho ang Kapuso Primetime Queen na si Marian Rivera, pati na sina Heart Evangelista, Solenn Heusaff, Andrea Torres at Michael V. At siyempre, gusto rin daw niyang makasama uli sa isang Kapuso project ang kaibigan niyang si Jean Garcia.
During the contract signing, Rasonable is happy to share the news about the newest Kapuso, “Siyempre, we’re very happy, ilang days before Christmas, we have something really nice to impart to our viewers na mayroon tayong bagong member ng ating Kapuso family, ng GMA Artist Center. Next year, you can expect him to be on primetime, we’re already cooking up a soap opera for him with our Kapuso artists.”
In fairness, halos lahat ng mga tagasuporta at kaibigan ni Richard sa showbiz ay masaya para sa bago niyang journey sa showbiz. Kaunti lang ang nabasa naming negative comments tungkol sa pag-alis niya sa ABS-CBN.