IYAK nang iyak si Jessy Mendiola sa latest vlog entry na in-upload niya sa kanyang YouTube channel na may title na “The truth behind the ring.”
Ito yung ipinangako ng kanyang fiancé na si Luis Manzano matapos kumalat ang issue tungkol sa engagement ring na ibinigay niya kay Jessy. May nagreklamo kasing jewelry maker na hindi raw nabigyan ng credit gayung sila ang original na gumawa ng singsing.
Sa nasabing YouTube video, ibinandera ni Jessy ang katotohanan sa nasabing kontrobersya kasabay ng pag-amin na bago nangyari ang proposal ay nagkahiwalay daw sila ni Luis noong nagdaang Mayo.
“Luis had the ring made last September, 2019. He bought the diamond from Radiant Lux Jewelry and nabayaran niya nang buo ‘yung diamond na ‘yun,” simulang kuwento ng aktres.
Dito na inamin ni Jessy na nag-break sila ng TV host-comedian noong Mayo at isa sa mga nasandalan niya noong down na down siya ay ang kaibigan niya sa
Radiant Jewelry.
“Unfortunately, maraming bagay ang nangyari. May 2020, Luis and I went through something to the point na naghiwalay kami and this person from Radiant Lux Jewelry was a good friend of mine.
“I trusted her. We both trusted her, Luis and I. We had good faith her that’s why siguro Luis chose her to make my ring kasi friend ko siya. Well, she was my friend.
“Nu’ng naghiwalay kami ni Luis, when we were trying to, kumbaga ‘yung taong ‘to nandu’n siya for me. Hindi ko alam ko alam ‘yung intensyon niya nu’ng time na ‘yun, ‘yung purpose niya nu’ng time na ‘yun. But she was there as a friend,” paliwanag ni Jessy.
Hindi raw niya alam na ang kaibigan daw niyang ito ay nakikipag-usap kay Luis para bayaran ang ipinagawa nitong singsing.
“I just found out about this nu’ng magkaayos na kami ni Lu na during the time na hindi pala kami okay. Siyempre ‘yung ring na fully paid na, she kept badgering Luis to get the ring even nu’ng hindi pa kami okay ni Luis,” lahad ng dalaga.
“Dumating pa sa point na for whatever reason, I don’t know kung ano ‘yun, she showed me the ring. And she opened the box in front of me knowing na hindi kami okay ni Luis. She let me wear the ring.
“So can you imagine the feeling ng babae na hindi kayo ayos nu’ng boyfriend tapos ipinasuot sa ‘yo ‘yung ring. Naisip mo, ‘What could’ve been na kung okay kaya kami ni Luis, magpo-propose kaya siya?’ Kailangan ba umabot sa ganitong point na ibang tao ‘yung magsasabi sa akin?” sey pa niya sa kanyang vlog.
Masamang-masama ang loob ng dalaga sa nangyari dahil nasira na nga ang dapat sana’y masaya at tagos sa pusong sorpresa sa kanyang buhay bilang isang babae.
“Nawala sa amin ‘yung feeling of excitement na luluhod ‘yung lalaki sa harap mo, kinakabahan, hindi niya alam anong sasabihin sa ‘yo, tapos tatanungin ka niya ng, ‘Will you marry me?’ Nawala sa amin ‘yun,” galit pang pahayag ni Jessy. Ibinalik daw niya ang singsing dahil ayaw niya itong angkinin at itago.
“The reason why we had to have my ring reset is all here in this vlog. While Radiant Lux Jewelry is claiming that they were the original creators of the ring, the jeweler of the said jewelry shop broke client privilege by telling me about the ring way before Luis got the chance to propose, ruining what was supposed to be one of the greatest surprises in my life,” sabi pa ni Jessy.
Aniya pa, “Luis bought the ring and paid for it in full and is, by right, the owner of the diamond, which means he can choose to do whatever he wants to do with it. Manila Diamond Studio was kind enough to help us by having the ring reset to erase unfortunate memories and start anew.
“It is heartbreaking that there are people like this who would go extra lengths to destroy other people’s happiness. We chose to keep quiet about this but now that they won’t stop posting about it, we want people to hear our side,” emosyonal pang pahayag ng mapapangasawa ni Luis.
Bukas ang pahinang ito sa paliwanag ng Radiant Lux Jewelry hinggil sa mga naging pahayag ni Jessy.