NAMALIMOS pala ang Kapuso dancer-sexy comedienne na si Lovely Abella sa isang shopping mall sa Saudi Arabia noon.
Ito ang nakakaaliw na pambubuking ng kaibigan niyang si Betong Sumaya sa isang video greeting para sa kaarawan ng komedyana ngayong araw, Dec. 11.
Aliw na aliw ang mga netizens sa pampa-good vibes na Instagram post ni Betong para nga sa birthday girl kung saan makikita sa short video clip kung paano nagpanggap na pulibi sa Saudi si Lovely.
Caption ng Kapuso TV host-comedian sa kanyang IG post, “Amazing Birthday sa isa sa mga nilalang na mahal na mahal ko ‘Givie’ (tawagan nila ng sexy actress) sana maappreciate mo itong video na ito noong namamalimos ka sa isang mall sa Saudi.
“Naisahan mo si Daddy Sammy pero ‘di mo ko nakalimutang hatian hehehe, ganun si Givie laging mapagbigay sa kapwa kahit minsan gipit din siya.
“May all your dreams for your family, friends and loved ones do come true syempre pati mga pangarap mo Lab yu,” mensahe pa ni Betong sa kaibigan at kasamahan sa gag show ng GMA 7 na “Bubble Gang.”
Na-touch naman ang sexy comedienne sa kakaibang greeting ni Betong para sa kanyang special day.
“Salamat. Pisti ka pinaiyak mo ko!!!
Mahal na mahal kita Givie. Wala akong pinagdarasal kundi kasiyahan mo,” reply ni Lovely kay Betong.
* * *
Sisumulan na ang Christmas countdown sa episode this Sunday night ng “The Boobay and Tekla Show” (TBATS) kung saan makikipagkulitan sa fun-tastic comic duo sina Derrick Monasterio at Migo Adecer.
Abangan ang dalawang Kapuso hunk sa bagong segment ng “TBATS” na “Wag na Wag Mong Sasabihin.” Ito’y pinaghalong quiz show at reality contest na may limang rounds at ang team na matatalo sa bawat round ay pakakainin ng exotic food.
Sina Derrick at Migo rin ang maglalaro sa “Don’t English Me” segment kung saan makakasama nila ang The Mema Squad na binubuo nina Belly Flawless o John Feir, Boobsie Wonderland, Skelly Clarkson at Jessa Chichirita.
Mapapanood din sa episode tonight ang TBATS Christmas unboxing. Bubuksan nina Tekla at Boobay kasama pa rin ang Mema Squad ang mga kakaibang regalong ipinadala ng viewers.
Kaya huwag na huwag aabsent sa isa na namang pasabog at pampa-good vibes na episode ng “The Boobay and Tekla Show” ngayong Linggo, Dec. 13, after “Kapuso Mo, Jessica Soho.”