Photo courtesy of Municipal Government of Los Baños
Nakaburol na sa kanilang ancestral house sa Barangay Batong Malake, Los Baños, Laguna ang mga labi ng pinaslang na si Mayor Ceasar Perez.
Tumannggi namang magsalita ang mga kaanak ni Perez kaugnay sa insidente.
Gayunman, hinihintay pa ang anak ng alkalde na nasa abroad para sa detalye ng burol at libing nito.
Hindi pa rin matiyak kung kailan dadalhin ang labi ng alkalde sa Municipal Hall ng Los Baños para sa pagbibigay ng parangal dito at upang mas marami ang makapagbigay ng huling pagrespeto rito.
Si Perez ay binaril at napatay sa loob ng compound ng munisipyo noong Huwebes ng gabi.
Naulila ng alkalde ang kanyang asawa at tatlong anak.
https://bandera.inquirer.net/271172/mayor-ng-los-banos-binaril-at-napatay-sa-loob-ng-munisipyo