Julie Anne hindi naghahanap ng bagong dyowa; tuloy ang bakbakan sa ‘The Clash’

HANDA na nga ba ang Asia’s Pop Diva na si Julie Anne San Jose na magkaroon uli ng bagong boyfriend?
Matagal-tagal na ring single ang Kapuso singer-actress-TV host kaya ang tanong ng kanyang fans, kailan uli siya iibig muli after ng break-up nila ni Benjamin Alves.

Sa interview ng “24 Oras”, ibinahagi ni Julie Anne ang kasalukuyang estado ng kanyang lovelife.

“Hindi naman ako naghahanap, e. It’s just around the corner. And kung sinuman ‘yung dumating, ‘yung ibibigay ni Lord, ‘di ba? We are all capable of trying to love again and be loved,” pahayag ng host ng “The Clash”.

Thankful din siya sa mga blessing na natatanggap sa kanyang showbiz career dahil sa kabila nga ng pandemya ay tuloy lang ang pagtatrabaho niya.

“I’m still very blessed that despite the pandemic and limited lang ‘yung pwede nating gawin, happy ako na I get to do the things that I love doing like making more music,” lahad pa ni Julie Anne.

Sa ngayon ay abala muna si Julie sa kanyang music career at sa pagho-host ng “The Clash” Season 3 at tuwing Linggo napapanood din siya sa variety show ng GMA na “All-Out Sundays.”

* * *

Speaking of “The Clash”, tuluy-tuloy pa rin ang third round ng competition, ang “Pares Kontra Pares.”

This time with only four pairs left waiting for their chance to battle on the Clash Arena: bakbakan na naman para kina Kenan Quitco at Shannen Montero; Larnie Cayabyab at Audrey Mortilla;
Fritzie Magpoc and Niña Holmes; at sina Yuri Javier at Eygee De Vera.

Out of the 4 Pairs, one pair will be chosen by the randomizer to then pick the pair they want to clash with. At ang winning pair ay magiging safe na sa elimination habang ang talunang pares ay muling maglalaban sa do-or-die “Matira ang Matibay” round.

Sa huli, tatlong Clashers ang tutuloy sa next round at isa nga ang muling magpapaalam. Kaya kailangang ma-impress muli nila ang Clash Panel na sina Ai Ai delas Alas, Pops Fernandez at Christian Bautista.

But wait there’s more! On top of the exciting competition, the episode will open with an early Christmas treat from The Clash’s very own Journey Host, Rita Daniela and Clash Master Julie Anne San Jose.

Kaya huwag na huwag aabsent sa isa na namang exciting episode ng “The Clash: Isa Laban sa Lahat” pagkatapos ng “Pepito Manaloto” sa GMA 7.