Ipinapaubaya na ng Palasyo ng Malakanyang sa Office of the Ombudsman ang pagre-release ng State of Assets, Liabilities and Networth (SALN) ni Pangulong Rodrigo Duterte para sa mga taong 2018 hanggang 2019.
Ayon kay Presidential Spokesman Harry Roque, may bagong guidelines na sinusunod ang Ombudsman sa paglalabas ng SALN.
Sinabi pa ni Roque na iginagalang ng Palasyo ng Malakanyang ang Ombudsman lalo’t isa itong constitutional body.
Base umano sa panuntunan ng Ombudsman, kailangang may permiso muna sa subject ng SALN para magbigay ito ng ‘go signal’ sa isang nagre-request o nais makakuha ng kanyang Statements of Assets and Liabilities.
Tugon naman dito ni Roque, sundin na lang ang prosesong ipinatutupad.
Bago ito ay nauna nang iginiit ng Malakanyang na nagsusumite ng kanyang SALN ang Chief Executive.