Romnick magiging tatay na uli, bagong GF na aktres 5 buwang buntis
BUNTIS na ang girlfriend ni Romnick Sarmenta na si Barbara Ruaro sa kanilang first baby.
Parehong nag-post ang celebrity couple sa Instagram tungkol sa bagong blessing na dumating sa kanilang buhay.
Sa IG page ni Romnick makikita ang litrato ng pregnancy test stick na may positive result.
“Infinitely Blessed with Your Affirmation. Iba Ka Panginoon, maraming salamat po,” ang caption ng aktor sa kanyang post.
Ibinahagi rin ng aktres na si Barbara Ruaro sa kanyang IG account ang pregnancy test result at kinumpirma ngang limang buwan na siyang buntis.
“The cross that appeared on my test and this miracle as a whole is Your loudest yet most comforting affirmation.
“I praise and thank You for my Nicko, and all our friends and families who have expressed and continue to show their love and undying support. See you on February, Little Bean,” ang mensahe naman ni Barbara.
Kung matatandaan, nito lang nakaraang June isinapubliko nina Romnick at Barbara ang kanilang relasyon. Idinaan din nila ito sa kanilang Instagram accounts.
“B L E S S E D. Overjoyed and happy. That’s what you make me. Thank you for this blessing. The colours that you bring. I thank God for you and all that you are. You’re special to me. I love you Bie,” caption ni Romnick sa litrato nila ni Barbara.
Sa mga magtatanong kung sino si Barbara, napanood siya noon sa pelikulang “Kung Paano Siya Nawala” kung saan gumanap siya bilang kapatid ni JM de Guzman.
Nakasama rin siya sa ilang iWant original projects tulad ng “The Tapes” nina Sam Milby at Yassi Pressman. Last year, lumantad din siya at umaming naging biktima noon ng sexual abuse.
Noong 2018, in-announce nina Romnick at Harlene Bautista na tapos na ang 19 years nilang pagsasama bilang mag-asawa. Ngunit siniguro nila na mananatili silang magkatuwang sa pag-aalaga sa lima nilang anak.
“Much had been said about both of us, and I guess to a certain degree, more about me and my character, by people who do not know me personally. But to set things straight, there was no third party when it happened. I wanted that clear,” bahagi ng official statement ni Romnick.
Sa ngayon, happy na rin si Harlene sa piling ni Federico Moreno, ang anak ng yumaong “Master Showman” na si Kuya Germs.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.