MAY hinihintay pang “signs” sina Robi Domingo at Maiqui Pineda bago sila magplano ng kanilang kasal.
Aminado naman ang TV host-actor na nakikita na niya ang kanyang sarili na kasama ang non-showbiz girlfriend for the rest of his life.
Ngunit sa ngayon wala pa sa top priorities nila ang magpakasal at bumuo ng sariling pamilya.
“I feel it. I really feel na ito na talaga ‘yon. Nowhere to go but up, but there. Mas ano siya, one year younger siya. Iniisip ko rin naman ‘yung biological component,” pahayag ni Robi nang mag-guest sa “Magandang Buhay.”
Pagpapatuloy pa ng binata, “Siyempre ang mga babae at the age of ganyan, may pressure din sa kanila. So, I take that into consideration. Basta I will tell you guys for sure.”
Ayon pa kay Robi, may usapan na sila ng kanyang girlfriend, “Kapag narating ko na ‘yung status sa aking trabaho. Basta may pangarap ako para sa sarili ko rin na gusto kong maabot.
“At kapag siya ay may sarili ng space sa kanilang opisina, ibig sabihin kung may position na siya at kung mayroon na akong certain achievement and credential sa buhay, I think that’s high time. Kung mangyari man ‘yon eh ‘di panahon na para lumuhod,” lahad pa ng binata.
Mensahe naman niya sa GF, “Maiqs, I just want to say thank you for bringing me into this type of direction and for making me the best version of myself. I will be here for you and I hope and pray to be with you.”
Schoolmates ang dalawa noon sa Ateneo de Manila University pero nitong 2017 lang talaga sila nagsimulang magkakilala nang bonggang-bongga.
Samantala, si Robi nga ang napili ng ABS-CBN na maging host ng latest version ng “Game KNB?”
Ngayon, maaari nang sumali ang mga Pilipino mula sa iba’t ibang panig ng mundo sa bagong “Game KNB?!” dahil mapapanood na ang tinaguriang pambansang game show sa Kumu app at sa Jeepney TV simula sa Lunes (Oct. 12).
Handa nang hamunin ng bagong interactive game show ang kaalaman ng mga Pinoy na pwedeng salihan gamit ang mobile phones sa pamamagitan ng pagsali sa livestream nito sa Kumu (@gknb) at pagsagot sa trivia questions.
Maaari ring makisali ang local viewers at manalo ng papremyo habang nanonood sa cable channel na Jeepney TV sa pagsagot nila ng #TeamBahay Question of the Day gamit ang link na makikita sa Jeepney TV Facebook page.
Naging consistent top-rating program ang original na “Game KNB” na umere sa ABS-CBN sa loob ng walong taon. Hinamon nito ang talino ng mga Pilipinong mag-aaral, professionals, at pati na rin celebrities at naghatid ng milyun-milyong papremyo sa iba’t ibang maswerteng contestants.
Makisaya na sa bagong “Game KNB?” na mapapanood Lunes hanggang Biyernes simula Oct. 12, 12 noon sa Kumu at Jeepney TV. Magdownload na ng Kumu app at sundan ang @gknb.