Bilang ng pamilyang naayudahan sa 2nd tranche ng SAP, nadagdagan pa

By: Ulat ng Bandera at Radyo Inquirer - 4 years ago

Photo: DSWD

Patuloy pa rin ang pamimigay ng tulong-pinansiyal sa ilalim ng second tranche ng Social Amelioration Program (SAP).

Umabot na sa kabuuang 13,968,357 pamilyang benepisyaryo na ang nakatanggap ng cash aid.

Ito ay batay sa datos ng Department of Social Welfare and Development hanggang 8 ng gabi nitong Biyernes (October 9).

Dahil dito, tinatayang P83.5 bilyon na ang nailabas ng DSWD para sa second tranche ng SAP.

Sinabi pa ng kagawaran na tuloy pa rin ang pamamahagi ng emergency subsidy sa mga benepisyaryo ng SAP, kabilang ang mga “waitlisted” o karagdagang mga pamilya.