“SAMA All” ang bagong tag line ng Pista ng Pelikulang Pilipino o PPP4 ng Film Development Council of the Philippines na pinamumunuan ni Chairperson Liza Dino.
Habang sinusulat namin ang balitang ito ay hindi pa nari-reveal ang mga pelikulang kasama sa PPP4 na ayon sa taga-FDCP ay wala pang formal announcement.
At dahil hindi pa ito mapapanood sa mga sinehan kaya lahat ng participating producers para sa full-length films ay buong makukuha ang 100% kita nila sa online platform.
Ang opening film ay ang extended version ni National Artist Kidlat Tahimik’s film “Ang Lakaran ni Kabunyan.”
Para makakuha ng Premium pass early bird rate ay kailangang mag-pre-register fdcpchannel.ph #PPP4SamaAll. Bird Rate Festival Pass (P450) Sept. 30 to Oct.15.
Sa report ng PPP para sa nakaraang tatlong taon ay may showcased 37 full-length feature films para sa 2.5 million audiences, grossing over P420 million.
Ang top grossers na mga pelikula ay ang “100 Tula Para kay Stella” (2017) at “The Day After Valentine’s” (2018) na parehong idinirek ni Jason Paul Laxamana for Viva Films. Pumangalawa ang “Patay na si Hesus” na idinirek ni Victor Villanueva na nag-second top grosser noong 2017. Ang “The Panti Sisters” ni Jun Robles Lana naman ang nanguna noong 2019.
Ang mga pelikula namang napili ng PPP para isali sa Academy Awards Best Foreign Language ay ang “Birdshot” ni Mikhail Red (2017), “Signal Rock” ni Chito Roño (2018) at “Verdict” ni Raymund Ribay Gutierrez (2019).
Ang mga pelikulang mapapanood sa Early Bird Rate Festival Pass (P450) sa Classics section ay ang mga sumusunod: “White Slavery” ni Lino Brocka, “Genghis Khan Manuel Conde” at “Manila by Night” ni Ishmael Bernal.
Kasama rin ang FDCP’s Philippine Film Archive Collection: “Balikbayan” ni Kidlat Tahimik, “#1: Memories of Overdevelopment Redux VI” at “Ang Panday” ni Fernando Poe, Jr.
Sa Premium section naman ang mga pelikulang “Verdict,” “Transit,” “Ma’Rosa”, at” Sa Pusod ng Dagat.”
Para sa Genre films, nandiyan ang “Alpha: The Right to Kill,” “Instalado”, “Abomination”, “Jose Rizal”, “El Presidente”, “Dyamper,” at “In Nomine Matris.”
At siyempre kasama rin ang mga pelikulang pampakilig tulad ng “Sakaling Hindi Makarating”, “Moments of Love”, “Ulan”, “Never Not Love You,” “Kailangan Ko’y Ikaw,” “Una Kang Naging Akin,” at “Mga Mister ni Rosario.”
Sa kategoryang Youth and Family section nakasama ang mga pelikulang “Pepot Artista,” “Dayo”, “Family History”, “1st Sem,” at “Edward.”
Para sa Bahaghari section tampok ang LGBT films na “Akin ang Korona”, “Billie and Emma”, “Ned’s Project,” “Ang Huling Cha Cha ni Anita,” at “Rainbow’s Sunset”.
May pa-tribute rin para sa mga pelikula ng nawalang pillars ng showbiz industry tulad ng “Adela” ni Ms. Anila Linda at “Death Row” ni Eddie Garcia, “Insiang” para kay Mona Lisa, “Muro-Ami” ni direk Marilou Diaz-Abaya, “Filipinas” ni Armida Siguion-Reyna at “Sonata” ni Peque Gallaga.