Manila Bay Sands pinalalagyan ng barikada ni Mayor Isko Moreno

Hiniling ni Manila Mayor Isko Moreno sa Department of Environment and Natural Resources (DENR) na lagyan ng barikada ang Manila Bay Sands.

Kasunod ito ng insidente ng pagdagsa ng mga tao sa lugar nitong nagdaang weekend.

Ayon kay Moreno, hiniling na niya sa DENR na bakuran ang lugar, lalo pa at mayroon pang nagpapatuloy na konstruksyon.

Magugunitang nitong weekend, dumagsa ang mga tao sa lugar na nais tignan ang mas magandang itsura ng Manila Bay.

Sa kabila ng presensya ng mga otoridad, hindi napigilan ang pagsisiksikan ng mga tao at nalabag na ang protocol sa social distancing.