7 menor de edad nasagip sa Binondo

By: Ulat ng Bandera at Radyo Inquirer - 4 years ago

Nasagip ang pitong menor de edad sa Binondo, Maynila Miyerkules ng gabi (September 9).

Ayon sa Manila Public Information Office, na-rescue ng mga tauhan ng Juan Luna PCP ng Meisic Police Station (PS-11) ang mga menor de edad sa kahabaan ng C.M. Recto Avenue.

Kasunod ito ng isinasagawang routine clearing operations at checkpoint ng mga pulis.

Agad namang dinala ang mga menor de edad sa Manila Department of Social Welfare (MDSW) sa RASAC Covered Court.

Maliban dito, nahuli naman ang 10 lumabag sa City Ordinance No. 8627 at dalawang motorista dahil sa hindi pagsusuot ng helmet at binigyan ng citation ticket.