Eksena sa bahay nina Ice Seguerra: May iyakan, naglabasan ng sama ng loob sa isa’t isa

NANG dahil sa cancer ng kanyang ama, mas naging malapit pa sa isa’t isa ang pamilya ni Ice Seguerra.

Ayon sa award-winning OPM singer, ito ang isa sa magandang idinulot ng pagkakasakit ng kanyang tatay na patuloy na nakikipaglaban ngayon sa cancer.

Mas naging bukas daw ang family nila na pag-usapan ang mga problema at sama-samang maghahanap ng solusyon.

Sa kanyang latest Instagram post, ibinahagi ng asawa ni Liza Dino ang isang madamdaming eksena sa kanilang pamilya na hinding-hindi malilimutan ni Ice.

Narito ang mahabang caption ng singer-actor sa kanilang family photo: “Siguro, if there’s one thing na magandang binigay sa amin ang cancer ni Daddy, it brought us closer as a family.

“Kami kasi ‘yung tipong pamliyang non-confrontational. Lahat dinadaan sa biro. But like all familes, there were unspoken things and old wounds that need to mended.

“At first, sobrang awkward. Tipong hindi mo alam kung papaano ka magsisimula. Pero nung nag tuloy-tuloy na ang paguusap, the words started flowing.

“Yes, may iyakan, nagkalabasan ng mga sama ng loob sa isa’t isa. We all took turns, my dad, mama, and my brother. After that, pinatawad namin ang isa’t isa at ang mga sarili namin,” lahad ni Ice.

Dugtong pa niya, “Of course, hindi doon natapos ang lahat. As with anything na matagal na hindi napag usapan, may mga nauungkat pa ring sama ng loob but it’s easier to address it.

“We became more open, expressive, more understanding of each other’s pain and journey. We hug each other more, give kisses spontaneously. We are happier.

“It’s amazing how the universe always gives us the opportunity to mend broken or strained relationships, you just have to be mindful and seize that opportunity when it presents itself to you.

“Compassion and love. Gratefulness and forgiveness. Freedom and happiness Nandiyan ‘yan, araw-araw. Just be brave and grab that opportunity, while you still can. Love will always win,” sey pa ng singer.