SB19 wagi ng 3 parangal sa 2020 MYX Music Awards; JaDine winner din
BIG winner ang sikat na sikat na ngayong P-Pop boy band na SB19 sa ginanap na 2020 MYX Music Awards kagabi.
Dalawang major awards ang napanalunan ng K-pop-inspired group — ang New Artist of the Year at Song of the Year para sa kanilang viral hit na “Go Up”.
Siyempre, super happy ang grupo sa natanggap na bagong awards na kahit na nga may pandemya ay nabigyan pa rin sila ng pagkilala at parangal na kanila namang inialay sa mga fans.
Umaasa sina Sejun, Josh, Stell, Ken at Justin na darating din ang tamang panahon na magiging normal din ang lahat, lalo na para sa lahat ng mga Pinoy entertainers at performers.
“Baguhan lang po talaga kami sa industry,” ani Sejun nang tanggapin ang kanilang award. Hindi raw talaga in-expect na sila ang mananalo ng dalawang major awards this year.
“Basta ang masasabi ko lang po is maraming, maraming salamat sa mga sumuporta sa amin,” dagdag pa ni Sejun.
Dahil pa rin sa banta ng COVID-19 pandemic sa bansa at bilang pagsunod sa ipinatutupad na health protocols, digital (virtual) na rin ang naganap na MYX Music Awards na napanood sa YouTube, Twitter at TikTok.
Ngunit kahit na nga online lang napanood ang awards night, naging espesyal pa rin ito sa lahat ng mga nanood lalo na ang mga bonggang recorded performances ng ilang kilalang singers.
Marami naman ang na-touch at naging emosyonal sa ibinigay na tribute ng MYX Music Awards para sa OPM icon at Master Rapper na si Francis M. May surprise presenters pa kagabi tulad nina Paul Klein ng LANY at Carly Rae Jepsen.
Narito ang listahan ng mga major winners sa 2020 MMA:
- Artist of the Year: SB19
- Music Video of the Year: “Summer” – James Reid and Nadine Lustre
- Song of the Year: “Go Up” – SB19
- New Artist of the Year: SB19
- Rock Video of the Year: “Come Inside of My Heart” – IV of Spades
- Urban Video of the Year: “Fiend” – James Reid feat. Just Hush
- Mellow Video of the Year: “Mabagal” – Daniel Padilla and Moira dela Torre
- MYX Celebrity VJ of the Year: Gino Roque and Kiara Takahashi
- International Video of the Year: “Boy With Luv” – BTS
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.