Violence
HINDI umano dapat gawing dahilan ang coronavirus disease 2019 upang hindi masaklolohan ang mga babae at bata na biktima ng pang-aabuso.
Ayon kay Rizal Rep. Fidel Nograles nakababahala ang mataas na kaso ng violence against women and children (VAWC) sa panahon na humaharap ang bansa sa pandemya.
Umakyat sa 4,260 ang mga kaso ng VAWC na naitala ng pulisya noong Hunyo 11 tumaas mula sa 3,699 noong Hunyo 4.
“We understand that our resources are already stretched, but the government has a sacred duty to protect its citizens,” ani Nograles.
Dapat din umanong pakinggan ng gobyerno ang panawagan ng United Nations Development Programme’s na isama ang pagbibigay ng proteksyon sa mga bata at babae sa ginagawang paglaban sa COVID-19.
Nanawagan din ang UNDP sa gobyerno at non-government organizations na magtulungan sa pagbuo ng paraan kung papaano mairereport ang mga kaso ng VAWC sa pamamagitan ng social media.
“Maganda ring tularan ang ginawa ng ibang bansa na makipag-ugnayan sa mga telecommunication companies para magtayo ng toll-free hotlines para sa mga biktima ng VAWC,” dagdag pa ni Nograles.
“The government has to be the face of compassion in this instance. Ipakita natin na handa tayong tumugon sa mga biktima. We already have enforcers on the street, it’s a matter of recalibrating nang malaman nila ang tamang response sa mga ganitong kaso.”