2 tauhan nahawa ng COVID-19, DENR compound ini-lockdown

DALAWANG empleyado ng Department of Environment and Natural Resources ang nahawa ng coronavirus disease 2019.

Agad na isinailalim sa lockdown ang buong compound ng DENR na nasa Visayas Ave., Quezon City.

Ang mga nahawa ay pumapasok sa tanggapan ng Environment Management Bureau.

Inaasahan na agad na isa-sanitize ang buong compound subalit hindi pa malinaw kung hanggang kailan tatagal ang lockdown.

Inaasahan din ang pagsasagawa ng contact tracing upang matukoy kung sino ang mga posibleng nahawahan ng dalawa.