Taguig City Mayor Lino Cayetano
SIMULA alas-6 ng gabi ngayong araw ay isasailalim sa Enhanced Community Quarantine ang bahagi Taguig City.
Ayon sa Taguig City government magtatagal ang ECQ sa Purok 5 at 6 ng Lower Bicutan hanggang 6 ng gabi sa Hulyo 1.
Ipinatupad ang ECQ batay sa rekomendasyon ng City Epidemiology and Disease Surveillance Unit (CEDSU) na nagsagawa ng clustering ng mga kumpirmadong kaso ng coronavirus disease 2019 sa lugar.
Sa ilalim ng ECQ magiging limitado ang paglabas ng mga residente. Ang mga maaari lamang lumabas ay ang mga mayroong Taguig Unified Quarantine Pass na bibili ng mga pangunahing pangangailangan.
Papayagan namang lumabas ang mga empleyado ng mga establisyemento na nagbebenta essential goods.
Nanawagan ang lungsod sa mga tao na nakararanas ng sintomas ng COVID-19 na makipag-ugnayan sa Barangay Health Center sa pamamagitan ng TeleMedicine hotline sa numerong 0927-633-1095, 0961-734-0881, at 0961-734-0852.
