Maine na-starstruck sa sikat na TikToker: Idol kita…naiyak ako kanina!
NAKIPAG-SELFIE talaga si Maine Mendoza nang makilala nang personal si Rico Bautista, ang internet sensation sa TikTok na nakilala sa “Walang ganu’n Mars” series.
Isa si Rico sa mga naging guests sa “Bawal Judgmental” segment ng Eat Bulaga kahapon na mayroon na palang mahigit na 1 million followers sa patok na TikTok application!
Nang maka-face-to-face sa interview kasama sina Paolo Ballesteros at Jose Manalo, pahayag ni Meng, “Rico, idol kita! Oo naiyak ako kanina, na-starstruck ako!”
Sa totoo lang, mula nang bumalik sa ere ang noontime show ng GMA, puro may social relevance at informative ang naging topic nito sa “Bawal Judgmental” kaya naman relate na relate ang mga Dabarkads.
At sa darating na July, magse-celebrate na ang Eat Bulaga ng kanilang 41st year sa telebisyon!
* * *
Opisyal nang bahagi ng GMA Artist Center ang Fil-Spanish chef at actor na si Jose Sarasola matapos pumirma ng exclusive contract last June 16.
Ayon kay Jose sa paglipat sa Kapuso Network, “I’m very happy and excited for another challenge since I want to do more in my career in terms of enhancing my cooking profession and striving to be a celebrity chef as well.
“I don’t want to leave my acting career behind because I still want to do more roles that would make me better,” aniya.
Si Jose ang napapabalitang boyfriend ng Japanese actress na si Maria Ozawa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.