Kelot huli sa P200K shabu

ARESTADO ang 29-anyos na lalaki na nakuhanan umano ng P204,000 halaga ng shabu sa buy-bust operation sa Quezon City kagabi.

Nahuli ng Kamuning Police si Ivan Lenard Gamboa, ng Cardones st., Central Signal, Taguig City.

Isang impormante umano ang nagbigay ng tip sa ginagawang pagbebenta ng ipinagbabawal na gamot ng suspek. Isang operasyon ang inilatag laban sa kanya alas-7:20 ng gabi sa Scout Santiago st., kanto ng Don Roces Ave., Brgy. Obrero.

Nakabili ang poseur buyer ng P60,000 halaga ng shabu sa suspek at ang maaresto ay nasamsam sa kanya ang 30 gramo ng shabu na nagkakahalaga ng P204,000.