Arrested
ARESTADO ang apat katao na nakuhanan umano ng shabu at baril sa isang buy-bust operation sa Quezon City kahapon.
Kinilala ang mga suspek na sina Michael Asis, 40, Marvin Bendo, 23, Jasmin De Jesus, 36, at Vincent Miabel, 28, ng Brgy. Sta Monica, Novaliches.
Nakatanggap umano ng impormasyon ang Novaliches Police kaugnay ng pagbebenta umano ng mga suspek ng shabu. Isang buy-bust operation ang inilungsad alas-10 ng gabi sa 36 Ibong Pilak st., Sitio Aguardiente Brgy. San Monica, Novaliches.
Nakabili umano ang poseur buyer ng P5,200 halaga ng shabu kay Asis.
Nang arestuhin ay nakuha umano sa mga suspek ang limang sachet ng shabu na nagkakahalaga ng P34,000, kalibre .38 revolver at apat na bala.
MOST READ
LATEST STORIES