NAHAHARAP sa kasong parricide ang 51-anyos na lalaki na sinaksak at napatay sa sobrang kalasingan ang kanyang anak sa Dumanjug, Cebu kaninang madaling araw.
Nadakip si Reynaldo Suize makaraan niyang mapatay ang anak na si Rey Vincent Suize, 24, sa labas ng kanilang bahay sa Brgy. Bitoon ala-1 ng umaga.
Ani Ardeolito Cabagnot, hepe ng Dumanjug Police, umuwi si Reynaldo mula sa inuman at natulog sa balkonahe. Ginising siya ni Rey Vincent para palipatin sa loob ng bahay pero nagalit ang suspek, kumuha ng patalim at sinaksak ang anak.
“Murag na alimpungatan siguro ni siya wala sa iyang right state of mind,” Ani Cabagnot. (Maybe he was half asleep or was not in the right state of mind.)
Dead on arrival sa ospital ang biktima habang hinintay ng suspek ang mga pulis na dakpin siya.