Beauty queen-lawyer balak sumabak sa Miss Universe PH 2021
TULAD nina Miss Universe Pia Wurtzbach at Catriona Gray, aktibo rin sa pamamahagi ng tulong sa ating frontliners ang Miss International 2019 Top 8 finalist at reigning Bb. Pilipinas International na si Atty. Patch Magtanong.
Matalino and “confidently beautiful with a heart” din si Atty. Patch. Busilak din ang kanyang puso na handang tumulong sa kapwa sa gitna ng pandemya.
Ipinost ni Atty. Patch sa kanyang Instagram account ang mga donasyon niya na mga PPE para sa healthcate workers.
Caption niya sa kanyang IG, “PPEs delivered to the National Center for Mental Health and the Philippine Children’s Medical Center through @pandaybayanihan. Thank you @sengracepoe and @heyitsbrianpoe!”
Nagpaabot si Atty. Patch ng mga PPE para sa frontliners ng Philippine Children’s Medical Center (PCMC) na kumakalinga sa mga batang dinapuan ng coronavirus na ipinadaan niya sa pamilya Poe.
Kaibigan ni Atty. Patch ang anak ni Sen. Grace Poe na si Brian Poe Llamanzares, na siya namang nagtungo sa PCMC upang iabot ang mga PPE, na may kasamang mga face mask at alcohol.
Nakilala ni Brian si Atty. Patch sa pamamagitan ni Dr. Kristine Rioflorido na dentist at modelo. Pinsan ni Brian si Dr. Kristine.
Sa Facebook page naman ni Sen. Grace Poe ay naka-post ang mga donasyong PPEs ni Atty. Patch. Pinasalamatan ng senador ang fellow University of the Philippines (UP) alumna na si Atty. Patch.
“I’d like to thank my fellow UP alumna, Bb. Pilipinas International 2019 Atty. Patch Magtanong for her donation of PPEs. Through donors like Patch, we are able to help more hospitals in need,” pahayag ng senadora.
Sa kanyang pinakahuling video post sa Facebook, masayang ibinahagi ni Sen. Grace na nakapamahagi na ang kanyang pamilya, sa tulong ng mga kaibigan, ng 1,290 na mga PPE, 1,979 sako ng bigas, galon-galong alcohol, mga gloves, at ayuda sa mga frontliners.
According to our source, may plano raw sumali si Atty. Patch sa Miss Universe Philippines 2021. Malaki ang chance ni Atty. Patch kung beauty and brains ang pag-uusapan.
Hopefully, siya ang susunod na Miss Universe na ipagbubunyi ng mga Pinoy.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.