NAGBIGAY ng klaripikasyon si Senador Ping Lacson sa nauna niyang sinabi sa isyu ng pagsasampa ng kaso laban kay National Capital Regional Police Chief Major General Debold Sinas.
“I never suggested forgiveness or absolution for P/MGen Sinas. In fact, I already said that he set a bad example in committing what he did during his birthday “mañanita” or whatever he wants to call it.” ani Lacson.
Dagdag niya, dapat lang siyang maparusahan dahil dito.
“What I asked is simply to take into consideration his long law-enforcement service to the country and the Filipino people and his present efforts in supervising the checkpoints all over Metro Manila to make us safe from the coronavirus.” aniya.
Ito rin daw ang paraan niya para umapela sa netizens “not to rub salt to injury” sa pamamagitan ng pag-share ng mga lumang larawan “to sow more hatred towards Sinas.”
Marami ang kumontra sa senador matapos magtweet na dapat magbigay kunsiderasyon kay Sinas dahil sa serbisyo nito sa PNP.
Naisampa na ang kaso laban kay Sinas Biyernes ng hapon dahil sa umano’y paglabag nito sa quarantine protocols nang gawin ang kanyang birthday celebration na dinaluhan ng 50 pulis.