Arrested
ARESTADO ang 27-anyos na lalaki na nagnakaw umano ng shoulder bag ng isang abugado sa bahay nito sa Quezon City kagabi.
Si Rodelio de Guzman, walang trabaho, at ng Pieces st., Camacho, Brgy., Nangka, Marikina City, ay nahaharap sa kasong robbery.
Ayon sa biktimang si Mary Kristerie Baleva, 43, abugado, at ng Vista Real Classica, Brgy., Old Balara, alas-8 ng gabi ay narinig niya na mayroong ingay na nangagaling sa kanyang kuwarto.
Pagpasok niya ay nakita umano niya ang suspek hawak ang kanyang bag. Nakatakas ang suspek.
Alas-9 ng gabi ay mayroong tumawag sa biktima kaugnay ng isang lalaki na nahuli habang dala ang kanyang bag. Mayroon umanong mga ID sa bag kaya natunton ng mga pulis ang biktima.
Nabawi sa suspek ang Tannery Shoulder bag, isang Hedgreen wallet pouch, Anne Klein wristwatch, Passport Holder, at mahigit P5,000 pera.