1 sugatan sa sunog sa Navotas

ISA ang sugatan sa mahigit dalawang oras na sunog sa Navotas City kaninang madaling araw.

Tinatayang 25 bahay ang apektado ng sunog sa Sampaguita st., Tanza 1, ayon sa Bureau of Fire Protection.

Nagsimula ang sunog alas-12:43 ng umaga sa second floor roof top ng bahay ni Michael Acuña.

Inaalam pa ang sanhi ng sunog.

Tinatayang P200,000 ang halaga ng napinsala sa sunog na naapula alas-3:03 ng umaga.