3 huli sa shabu

ARESTADO ang tatlong lalaki sa buy-bust operation sa Quezon City kahapon.

Kinilala ang mga suspek na sina Erol Nastor, 27, Jordan Martinez, 25, at Reynaldo de Leon, 50, mga residente ng Brgy. Old Balara.

Nagsagawa ng operasyon ang pulisya alas-5:30 ng hapon sa NIA Rd., malapit sa BIR Rd., Brgy. Pinyahan.

Nakabili umano ang poseur buyer sa mga suspek ng P500 halaga ng shabu. Nang maaresto ay nasamsam sa kanila ang dalawang sachet ng shabu na nagkakahalaga ng P13,600.