Lindol sa Zambales naramdaman sa NCR

ZAMBALES

NIYANIG ng magnitude 4.2 lindol ang Zambales kaninang hapon at naramdaman ito hanggang sa Metro Manila.

Ayon sa Philippine Institute of Volcanology and Seismology naramdaman ang lindol alas-3:46 ng hapon.

Ang epicenter ng lindol ay 10 kilometro sa kanluran ng Palauig. May lalim itong 42 kilometro.

Nagdulot ito ng Intensity III sa Mayantoc, Tarlac.

Intensity II sa Masinloc, Zambales; Mandaluyong City at Marikina City

Intensity I naman sa Botolan, Zambales at Manila City.