Damo ipinalaman sa tinapay

PINAGHAHANAP na ng pulisya ang nagpadala sa courier service ng tinapay na may palaman na marijuana, ayon sa ulat.

Nakumpiska ang sachet ng marijuana sa rider na nagsumbong sa otoridad ukol sa idedeliber sana niyang tinapay.

Hindi sinabi sa ulat kung paano niya nadiskubre ang droga sa loob ng tinapay.

Napag-alaman na ipadadala sa Malabon ang parcel na mula naman sa Brgy. Maybunga, Pasig.

Inaalam na ng mga imbestigador ang pangalan ng nagpadala at ang padadalhan.

Nahaharap ang mga ito sa kasong may kinalaman sa droga.