Arrested
ARESTADO ng Quezon City Police ang apat na lalaki sa isinagawang buybust operation sa Caloocan City kagabi.
Nasakote sina John Joseph Calipusan, 26, ng Arayat st., Brgy. Nagkaisang Nayon, Novaliches; Marlon Valdez, 42, walang trabaho, at ng Golden Hills, Brgy 167 Caloocan City; Aron Roy Lopez, 23, driver, at ng Sun Riser Village, Brgy. Llano, Caloocan City, at John Saber Valdez, 19, tricycle driver at ng Golden Hills Brgy 167 Caloocan City.
Si Calipusan ay dati ng nasampahan ng mga kaso kaugnay ng ipinagbabawal na gamot at pagnanakaw samantalang si Valdez ay hinuli dahil tinangka umanong pigilan ang otoridad sa pag-aresto sa mga suspek.
Nagsagawa ng operasyon ang pulisya alas-10:45 ng gabi sa Dolmar Golden Hills Brgy. 167, Caloocan City.
Narekober umano sa mga suspek ang 7.5 gramo ng shabu na nagkakahalaga ng P51,000.