ILANG siyudad sa Metro Manila ang maaaring isailalim sa general community quarantine sa oras na matapos ang umiiral na enhanced community quarantine sa Mayo 15.
Pero ayon kay Interior Secretary Eduardo Año may walong araw pang natitira bago matapos ang ECQ kung kaya mas makabubuting hintayin muna ang analytics.
Sinabi ni Año na may ilang siyudad na sa Metro Manila ang gumaganda ang sitwasyon, gaya ng San Juan at Valenzuela.
Aminado naman ang opisyal na malaki pa rin ang problema sa Quezon City dahil lumagpas sa 1,000 ang nagpositibo sa Covid 19.
“There are areas already in Metro Manila that are actually improving like San Juan and Valenzuela but Quezon City is still really what we call a very high-risk area with the 1,000 positive,” ani Año.