6 patay sa sunog sa Tondo, Manila

ANIM ang nasawi at isa ang nasugatan sa sunog sa Tondo, Manila kanina.

Kinilala ang mga nasawi na sina Nathalie Nicole Sorbito, 17, kapatid nitong si Shane Bernadette Sorbito, 16, Elizabeth Mendoza, 48, Janet Rosales, 49, Eugenio Pacia, 48, at Remedios Pacia, 70.

Alas-6:37 ng umaga ng magsimula ang sunog sa ikalawang palapag ng bahay ni Alfredo Estabillo sa 1888 Tioco kanto ng Tapuri st., Tondo, Brgy. 89 Zone 8 District 1.

Gawa sa light materials ang bahay kaya kumalat ito kaagad sa mga katabing kabahayan.

Alas-7:52 ng umaga ng mapula ang apoy.

Tinatayang 20 bahay ang nasunog at P150,000 ang pinsala nito.