Shabu session nadiskubre dahil sa face mask, 5 arestado

DAHIL walang suot na facemask nabuko ang isinasagawang shabu session sa isang bahay sa Quezon City kahapon.

Nakita umano ng mga pulis si Rocky Salvana, 33, na walang suot na face mask alas-5 ng hapon.

Nang lapitan ng mga pulis ay tumakbo umano si Salvana papasok sa bahay sa no. 47 Freedom Park 5, Brgy. Batasan Hills.

Hinabol ng mga pulis ang suspek at pagpasok sa loob ay nakita nila ang mga suspek na sina Anecito Agno, 41, Vicente Buenida, 34, Jhoniel Salisana, 41, at Lisa Tejada, 46, na gumagamit umano ng ipinagbabawal na gamot.

Nasamsam umano sa mga suspek ang dalawang sachet ng shabu na nagkakahalaga ng P680 at mga drug paraphernalia.