Supplier ng shabu sa Crame huli sa Antipolo

ARESTADO ang dalawa katao sa Antipolo City na pinanggagalingan umano ng shabu na ibinebenta sa Quezon City.

Naaresto ng Cubao Police sina Carlos Ablaza, 32, ng EEI Tanza Yard, Brgy. Tanuan, Tanza, Cavite at Jemmalyn Marquez, 27, ng Purok Sunrise, Mayamot, Antipolo City, alas- 7:20 ng gabi noong Biyernes sa tapat ng gasolinahan sa Quirino Highway, Brgy. Mayamot, Antipolo City.

Naaresto ang dalawa matapos madakip ang kanila umanong binabagsakan ng shabu sa Brgy. Bagong Lipunan ng Crame noong Huwebes.

Nasamsam sa operasyon sa Antipolo ang tatlong sachet ng shabu na nagkakahalaga umano ng P65,000.