WALA pa umanong pinal na desisyon kung kailan magsisimula ang pasukan, ayon sa Department of Education.
Patuloy na nagsasagawa ng konsultasyon ang DepEd para matukoy ang pinakamagandang solusyon sa problemana resulta ng Enhanced Community Quarantine na idineklara upang hindi kumalat ang coronavirus disease 2019.
Inirekomenda ng Inter Agency Task Force na sa Setyembre buksan ang klase pero hindi pa ito pinal.
Nilinaw ni National Economic and Development Authority acting secretary Karl Chua kanina na wala pang desisyon.
“Ang gusto po iparating ng DepEd ay magprepresent sila sa IATF ng kanilang recommendation para sumunod tayo sa batas….. Hintayin na lang natin ang DepEd para magpresent at yung IATF and magsasabi kung policy na,” ani Chua.
Mayroon batas na nagsasabi na ang pasukan ay maaaring magsimula ng Hunyo hanggang Agosto. At kakailanganin ng batas na magbabago nito kung gagawing Setyembre ang simula ng klase.