KALABOSO ang pito katao, isa sa kanila ay miyembro umano ng Sputnik Gang, sa magkakahiwalay na drug operation sa Quezon City kagabi.
Naaresto ng Kamuning Police sa buy-bust operation si Mary Joy Villablanca, 45, at Mark Calagos, 29, alas-6 kagabi sa labas ng Lung Center of the Philippines sa Quezon Ave. Nakuhanan umano sila ng P68,000 halaga ng shabu.
Talipapa Police naman ang umaresto kina Juzer Paglinawan, 39, Noelson Macam, 32, at Ron Dungca, 33, alas-7 kagabi sa Tandang Sora Ave., Brgy. Tandang Sora. Nakumpiska umano sa kanila ang P65,000 halaga ng shabu.
Nahuli naman ng District Drug Enforcement Unit si Mark Angelo Upod, 22, alas-6 kagabi sa Congressional Ave., Bagong Layon, Brgy. Bahay Toro. Narekober umano sa kanya ang P34,000 halaga ng shabu.
Si Mark Anthony Cruz, 20, miyembro ng Sputnik Gang, ay naaresto alas-10:30 kagabi sa Aurora Blvd., kanto ng EDSA North Bound, Brgy., E. Rodriguez St. Cubao. Narekober umano sa kanya ang P4,000 halaga ng shabu.