APAT katao, kabilang isang menor de edad, ang naaresto sa magkahiwalay na dug operation ng pulisya sa Quezon City.
Naaresto sina Jayson Dela Vega, 22, Michaella Perciano, 20, at isang 17-anyos na lalaki, mga residente ng Brgy. Pasong Putik.
Sila ay naaresto ng Fairview Police alas-5 ng umaga kanina sa Champaca st., Maligaya Park Subd., Brgy. Pasong Putik. Nakumpiska umano sa kanila ang anim na sachet ng marijuana na nagkakahalaga ng P800.
Si Ruther Arzala Jr., 42, ng Brgy. Pasong Tamo ay naaresto naman sa buy-bust operation alas-2:45 ng hapon kahapon sa Philand Drive kanto ng Don Mariano st., Brgy. Pasong Tamo.
Narekober umano sa kanya ang P6,800 halaga ng shabu.
MOST READ
LATEST STORIES