SA susunod na linggo ay sisimulan ng pamahalaang lungsod ng Taguig ang pamimigay na P5,000 special emergency allowance sa 25,000 scholars ng siyudad.
Ani Mayor Lino Cayetano, inatasan niya ang kanilang Scholarship Office at Barangay Affairs Bureau na ipamahagi na ang Special Emergency Assistance to Scholars simula sa Lunes, Abril 20.
Ayon sa alkalde, layon ng tulong pinansiyal na makaagapay ang mga scholar sa krisis na dulot ng Covid-19 pandemic.
Kabilang sa makataranggap ng tulong ang mga nasa ilalim ng mga programang Lifeline Assistance for Neighbors In-need Scholarship Program, Taguig City University Educational Assistance Allowance, at Taguig Learners Certificate Scholarship Program.
“By designing a support program around our scholars, we affirm our commitment to the well-being of our young people even in extraordinarily difficult times,” ani Cayetano.
Umaasa ang opisyal na sa matatanggap ng mga iskolar magagawa din nilang makatulong sa kapwa.
Inaasahan na 125,000 indibiduwal na kapamilya ng mga iskolar ang makikinabang din sa tulong.