SA halip na magreklamo at kontrahin ang kanyang mga desisyon sa pakikipaglaban sa health crisis, may naisip si Gary Valenciano para ialay kay Pangulong Rodrigo Duterte.
Ayon kay Mr. Pure Energy, mas kailangan ngayon ng suporta at dasal ng Pangulo dahil hindi madali ang kinakaharap na problema ng bansa at ng buong mundo.
Sa pamamagitan ng kanyang Twitter account, nag-post ang Kapamilya TV host-singer ng mensahe matapos marinig ang naging speech ni Duterte last Monday tungkol sa mga ginagawang aksyon ng pamahaalan sa pagsugpo sa COVID-19.
Dito nanawagan din ang Pangulo ng gabay at panalangin para sa sambayanang Filipino.
“To our president, President Rodrigo Duterte, there are so many opinions after each time you speak.
“But I choose to look over all that’s said and simply follow what I know my God wants me to do.
“And that is to keep you covered in prayer. God bless you sir…God bless us all,” pahayag ni Gary.
Patuloy pa ring ipinatutupad ngayon ang enhanced community quarantine sa Luzon na tatagal hanggang April 30.