BINIGYAN ng “tribute” ni Megastar Sharon Cuneta si Angel Locsin dahil sa tuluy-tuloy na pagtulong na ginagawa nito sa mga frontliners sa panahon ng krisis.
Proud na proud ang Megastar sa pagiging “bayani” ng Kapamilya actress kaya nais lamang niyang ibandera ang pagsaludo niya rito.
“Mabuhay ka, Angel Locsin sa pagpapatayo mo ng tents para sa ating mga bayaning frontliners na kailangan pa nating lahat na pasalamatan ng 1 million times more than we’ve been thanking them!
“Taas-noo at lubos na respeto lang ang meron kami para inyong lahat – ating nurses, nursing assistants, beloved doctors and all medical workers plus lahat ng testers na sinusugal ang buhay ninyo araw-araw para sa mga PUI at mga may sakit na ng COVID-19!!!” mensahe ni Sharon para kay Angel.
Subok na subok na raw ang kabaitan at sinseridad ng aktres sa pagtulong tuwing may kinakaharap na pagsubok ang mga Pilipino.
“Taos-pusong pasasalamat sa inyo. Di namin kayo nakakalimutan at makakalimutan habangbuhay! At salamat kay Ms. ANGEL LOCSIN na kahit ano pa ang tumatamang disasters sa bansa natin ay laging nakahandang tumulong! Love you, Sweetie. May God bless you more. Keep safe!” papuri pa ni Mega kay Angel.
Patuloy naman ang pagdagsa ng donasyon sa project ng aktres na “UniTentWeStandPH” na ang pangunahing layunin ay makapagbigay ng karagdagang tents para matuluyan ng medical health workers.