P14M shabu nasamsam sa QC

NASAMSAM ng Quezon City Police ang mahigit P14 milyon halaga ng shabu sa Quezon City kagabi.

Nahuli sa buybust operation si Regine Legaspi, 31, ng 8 Sampaguita st., Navotas City, alas-10:56 ng gabi sa Room 46 ng Starcia Apartelle, sa Quirino Highway, Brgy. Bagbag Novaliches.

 Isang poseur buyer ang nakabili ng P130,000 halaga ng shabu sa suspek.

 Nang maaresto ay nasamsam umano sa suspek ang dalawang kilo ng shabu.

Ayon kay Quezon City Police District Director, Police Brigadier General Ronnie Montejo ang pagkakaaresto kay Legaspi ay nag-ugat sa pagkakaaresto kina Ronnel Grifalda, 35, at Rolando Abarga, 24, noong Marso 28 kung saan nasamsam ang P2 milyong halaga ng shabu.