HINDI na tatanggap ng Patients Under Investigation o confirmed coronavirus disease 2019 patients ang Asian Hospital and Medical Center.
Sa inilabas na Public Advisory ng Asian Hospital sinabi nito na umabot na ito sa full capacity para sa COVID-19 cases.
“However, Asian Hospital and Medical Center is still open to admit patients with other kinds of sickness and diseases.”
Mula Enero 23 hanggang Marso 25 ay tumanggap na ang ospital ng 58 Pus. Ang confirmed COVID-19 cases na tinanggap nito ay 22. Umabot naman sa 350 kaso ang kanilang na-screen.
Labing lima naman ang kaso ng PUI at COVD-19 na ipinasok sa kanilang intensive care unit.
Ang COVID-19 patients naman na naka-recover at na-discharge ay lima.
Naka-quarantine naman ang 21 professional at hospital staff ng Asian Hospital.