GOOD news naman para sa lahat ng mga fans and supporters ng award-winning group na Ben&Ben.
Kung miss na miss n’yo na paborito n’yong grupo, ito na ang pagkakataon para muli silang mapakinggan at mapanood habang naka-home quarantine ang buong bansa dulot ng COVID-19 pandemic.
Yes, magkakaroon din ng online show ang Ben&Ben for the benefit of COVID-19 frontliners and medical personnel.
Haharap sa madlang pipol ang siyam na miyembro ng grupo sa pamamagitan ng Facebook Live Jam sa March 27, 7 p.m..
“It’s a massive fundraising online showcase entitled Puhon: A Ben&Ben FB Live Event for the COVID-19 Efforts,” bahagi ng press statement ng Sony Music.
Magsasama-sama muli ang mga members ng Ben&Ben para sa isang fundraising concert at magpe-perform sila mula sa kani-kanilang mga tahanan bilang pagsunod na rin sa ipinatutupad na Luzon-wide quarantine.
Ang magaganap na FB Live jam ay magsisilbi ring launching ng Ben&Ben’s community-initiative website, ang www.puhon.ph..
“Puhon.ph aims to inspire, uplift, and boost the collective morale of all the key stakeholders of the COVID-19 response through uplifting stories, music, art and more,” ayon pa sa press statement ng banda.
Dito, pwedeng mag-donate ang lahat ng nais tumulong para sa frontliners at medical staff sa bansa pati na rin sa mga kababayan nating nawalan ng pagkakakitaan dahil sa COVID-19 crisis.
“All proceeds from Ben&Ben’s project are set to raise funds for COVID-19 test kits, Personal Protective Equipment (PPE) and nutrition support for frontline healthcare workers, and relief goods for daily wage earners.”