P400K shabu nasamsam

NASAMSAM ng pulisya ang P400,000 halaga ng shabu at naaresto ang lima katao sa dalawang buybust operation sa Quezon City.

Kinilala ang mga naaresto na sina Gerry Gastador, 46, ng Brgy. Old Balara, Jay Nillusgen, 18, at Lazaro Perez, 19, mga taga-Brgy. Holy Spirit.

Naaresto ang mga suspek alas-6:30 ng gabi noong Biyernes sa 125 Don Primitivo St.Don Antonio Heights, Brgy. Holy Spirit. Nakumpiska umano sa kanila ang 50 gramo ng shabu na nagkakahalaga ng P340,000.

Alas-12:45 ng umaga ng Sabado nang maaresto naman sina Jonas Balcarse, 40, ng Brgy. Batasan Hills at Jeffrey Recaido, 27, ng Brgy. Payatas A.

Nakumpiska umano sa mga suspek ang 15 gramo ng shabu na nagkakahalaga ng P102,000.