TOP trending pa rin ngayon ang hashtag #ProtectVico sa Twitter Philippines matapos umingay ang pangalan ni Pasig City Mayor Vico Sotto sa social media.
Ito’y dahil na rin sa mga ginagawa niyang effort para sa kanyang constituents sa gitna na ng pagpapatupad ng enhanced community quarantine sa bansa para hindi na kumalat ang coronavirus disease pandemic o COVID-19.
Maraming namba-bash at nang-ookray kay Vico pero mas marami pa rin ang pumuri at sumaludo sa kanyang pagtatrabaho sa Pasig City para masiguro ang kaligtasan at proteksiyon ng kanyang mga nasasakupan.
Hindi lang mga Pasigueño ang nagpapasalamat sa anak nina Coney Reyes at Vic Sotto kundi pati na ang mga residente ng ibang siyudad na gusto na ngang lumipat sa Pasig dahil feel na feel nila ang pagmamahal at sincere na pag-aalaga ng binata.
Apat na araw pa lang ang ipinatutupad na enhanced community quarantine pero napakarami nang nagawang aksiyon ni Mayor Vico. At dahil nga rito kaya nabuo ang hashtag #ProtectVico sa Twitter.
Kasabay nito ang pagdagsa ng comments na hindi malayong maabot ng binata ang pinakamataas na posisyon sa gobyerno. Maraming netizens ang nag-post sa kanilang social media accounts ng “Vico for President.”
Ayon kay @jairagonzales, “Imagine no, si Vico Sotto ang next president of the Philippines. Ang ganda siguro mabuhay dito. Imagine lang naman.”
Sabi naman ni @_rodalene, “Yes, mayor vico sotto for president.”
Comment ni @abbyghael03, “ANYWAY!!!! You know why we love him and strive to #ProtectVico right now??
“Because he is someone the Filipino NEEDS right now!!! Not because he’s good-looking, young, and smart (Okay, I have to stop). But because we need to see some HOPE!”
Samantala, nagsalita na rin si Vico laban sa mga bashers at haters na sa halip tumulong at magpakapositibo sa panahon ng krisis ay puro kanegahan ang inuuna.
“Wala po kaming panahon makipaglaban sa mga trolls at paninira. Lahat na lang gusto nilang gawing politika. We are just trying to do our best to SAVE LIVES.
“Alam n’yo naman po wala akong troll farm. Kayo na po bahalang tulungan ang Pasig para ‘di mabahala/malito ang mga Pasigueñoes sa mga trolls,” pahayag ng alkalde.